新晉歌手兼人氣王 — 數字小姐

狐狸祖師座下弟子

唔講唔知，原來近幾年喺YOUTUBE彈起嘅數字小姐，其實係狐狸祖師座下嘅入室弟子之一！

事緣幾年前，數字小姐仲係一個冇乜人識嘅IG靚女，有一日同舊同學兼閨密食飯飲酒期間，講起自己個IG好似POST極相都冇乜FOLLOWER，又冇乜JOB上門，問自己好姊妹有冇方法幫到佢。佢嘅好姊妹嗰時已經聽過狐仙堂嘅名，就提議佢不如搵日一齊上去拜下神。於是兩人就第二日膽粗粗走上嚟青丘教當時嘅館址，不過就因為冇預約，連續三日摸門釘！

去到第四日，咁啱嗰日有弟子開館，兩人先至有機會親眼見到狐仙壇！事後問返，法仁師傅先知道原來數字小姐同佢朋友連續幾日都有嚟，但因為嗰幾日師傅帶弟子外出做法事，所以冇返館。師傅見兩人咁誠心，除咗幫佢地擇日開咗連續七日嘅人緣符，仲收埋佢地做入室弟子，教佢地修狐仙法，令佢地長期人緣桃花旺盛，事業愛情順利。

數字小姐同佢朋友求法之後，聽佢地事後講起，當時佢地都閉關修練咗一個月，之後因為開始多JOB，同埋要日日去葵涌拍片，所以就冇時間再修法。到數字小姐因為YOUTUBE彈起人氣高企，已經係佢地修法後半年嘅事了。見佢又出片又出歌又拍劇，師傅同一眾師姊妹都為佢驕傲，衷心祝福佢演藝事業蒸蒸日上！