電視台歌手 — K仔

靈符溝掂外籍老婆

多年前一首歌唱到街知巷聞嘅K仔，喺多年前已經拜下狐仙門下，係本門其中一個虔誠弟子。K仔平時個人口花花，比佢撩過既女仔不計其數，但都未聽過佢對任何一個認真過，係去到前年，館中上下師姐妹先知原來佢可以痴情到咁㗎！

話說前年疫情封關，冇得外遊之餘更加冇得堂食，個個都拎住袋外賣返嚟修法。有日好耐冇見嘅K仔上咗黎，面色枯槁如同朽木，粒聲唔出喺度扒飯。一眾師姐妹見佢面色唔對，連番追問佢究竟發生咩事。佢先支支吾吾講，原來佢半年前識咗個外籍女朋友，因為半年冇見，佢女朋友早兩日用facebook message同佢講不如大家分開下。

K仔話佢從來未試過咁鍾意一個女仔，但係似乎已經冇機會，而家人生好似冇咗目標，唔知點算。師姐聽完之後就將件事講咗比法仁師傅知。師傅見K仔個人鬱鬱寡歡，話見到佢咁可憐，就幫佢擇日出套和合符嚟幫佢箍煲。

神奇地自從嗰日之後，K仔就好似人間蒸發一樣，師姐妹都只係喺一年後從行內人把口聽返嚟，原來K仔已經一段時間唔喺香港，見到佢同咗個外國女仔一齊。師姐妹睇完相，就發現嗰個女仔就係之前K仔要箍煲嗰個女朋友！冇耐佢地註冊結婚嘅事上埋報添。當初幫佢搵法仁師傅請符嘅師姐話覺得好感動，好似睇住K仔大個仔咁，見到佢生生性性成家立室，都覺得好欣慰喎！