一個月做一次招財法事
近幾年火速彈起既歌影視三棲女星N小姐以勤力見稱，勤力出JOB，勤力做GYM，勤力出活動，但係大家都知道，呢個世界淨係勤力邊會發達丫！N小姐之所以變成新晉廣告紅牌，有佢不為人知既原因㗎！
四年前N小姐出咗道都有幾年，但係就半紅不黑，雖然已經係網上知名既女神，戲都叫做拍過一兩套，但就餐搵餐食餐餐清，令到本身都冇乜野心嘅N小姐不得不諗自己嘅生計問題。咁啱佢有個MODEL朋友就係青丘教嘅弟子，聽到法仁師傅就係出名催財同催人緣，就心郁郁托MODEL朋友問法仁師傅可唔可以幫手做招財法事。
法仁師傅幫佢擇咗日做催財法事之後兩個月，N小姐番嚟同師傅講，見到效果幾好，真係多咗唔少JOB，但想個效果再勁啲，問師傅有冇方法可以再幫下佢。師傅語重心長咁同佢講，要招大財，首先要願意捨財，冇一個有錢嘅人係一毛不拔，佢地賺到嘅每一筆錢，背後都係透過捨大筆大筆嘅財換返嚟。N小姐諗咗諗，就話想每個月做一次招財法事，透過捨棄自己每個月既部份收入嚟換一筆更大嘅收入。
如此N小姐約莫有一年有多嘅日子都係每個月上嚟一次，師傅另外再提佢得閒多啲做下慈善，幫下有需要既人。N小姐自從嗰一年開始就不停接廣告代言、接電影，出歌，忙到差唔多連招財法事都唔得閒親身嚟做！而做完嗰一年幾嘅法事之後，N小姐就冇再上過嚟，近期聽到佢開始置業，師傅同埋一眾師姐妹都戥佢開心！
Comentários